前女星成员变声优 “由良朱合”事隔3年再拍写真集

我成日都话，虽然日本女星、偶像拍写真係一件好平常嘅事，但大部份人其实都当写真係一种久唔久用一次嘅宣传手法，而非真正嘅事业。好似今晚要介绍呢位“由良朱合”咁，早年拍写真就係因为啱啱从女团卒业，之后三年去咗声优就无拍过新写真；到近排又出返黎拍写真，唔知係咪代表佢嘅事业路向又有改变呢？

现年26岁嘅“由良朱合”从小就有个演艺梦，所以细个时就已经加入家乡广岛嘅演员训练学校，15岁时仲加入埋学校主办嘅女团“SPL∞ASH”出道。活动咗三年几之后，佢就走去参加AKB48嘅徵选，最终于2018年1月从““SPL∞ASH””转会“STU48”重新出道。不过佢于“STU48”嘅发展就唔算太顺利，入团一年半后先第一次入选单曲名单，或者亦正因如此，所以佢于单曲推出仅半个月，就于2019年8月宣佈退团。

退团后嘅佢终于开窍，2020年5月于《週刊Playboy》展开写真工作，而且凭住女团出身，加上自己出色嘅身材外貌几乎横扫所有写真杂志，令其人气急升。但赚到人气之后嘅佢，于2022年开始声优工作之后就同写真绝缘，再无新作推出，直到近来先事隔5年再于《週刊Young Jump》亮相，亦係佢事隔3年再拍写真。