一提起“时尚模特儿”，不少男士可能会谂起“高头大马”、“瘦骨嶙峋”、“黑口黑面”等贬义词，简单黎讲就唔係个个男人都锺意——毕竟人哋个主要客群係女性嘛，麻甩佬睇唔惯好合理呀！但今晚要介绍嘅呢位“加藤栞”，就可能係少有男女都锺意嘅时尚模特儿，事关佢时尚得黎又可爱性感，最重要係佢仲会拍写真畀大家睇呀！
现年20岁嘅“加藤栞”係近年当红嘅日本时尚杂志模特儿。早年佢曾经参加少女杂志《Seventeen》嘅专属模特儿徵选，仲入到最终名单，可惜最终未能获胜。不过之后佢仍然顺利出道，拍广告、拍YouTube，仲拍过电视剧，结果2021年时就如愿以偿成为《Seventeen》专属模特儿，同年更出席“超十代 Premium 2021”、“TGC teen 2021 Summer”等时尚活动，称得上係时尚界嘅当红人物之一。
2022年时，佢就首次于《週刊Young Jump》上献出写真处女作，结果令一众男士发现佢除咗有166cm修长身型、可爱脸孔之外，原来平时嘅靓衫仲遮住佢颇有睇头嘅上围以及一双笔直修长美腿，成功打入男士市场。去年12月推出嘅首本个人写真集亦反应热烈，证明时尚模特儿都可以受男性喜爱嘅！